NG Kerk Danabaai

Geseën om ‘n betrokke dienende gemeente tot eer van God te wees

Welkom by die webtuiste van ons gemeente

Ons gemeente is so agt kilometer van  Mosselbaai af geleë, op die pragtige tuinroete.  Dit is nie verniet dat die omgewing hier bekendstaan as die Eden distrik nie. Ons gemeente is die rustige woonbuurt Danabaai wat deel uitmaak van n bewarea.  Hier is die mooiste uitsig oor die Indiese oseaan, met Vleesbaai, Boggomsbaai, Fransmanhoek en Kanon aan die oorkant van die baai.
Dit is glad nie n vreemde gesig om Bosbokke op jou grasperk te sien waar hulle rustig wei nie.  Die omgewing is ook geseën met die mooiste fynbos, proteas en aalwyne
In hierdie pragtige omgewing bly hier net sulke pragtige kinders van die Here, wat hier hulle roeping en getuienis uitlewe.

Ons beskou dit as n wonderlike voorreg om deur die Here hier geplaas te wees, waar ons ons deel binne die die liggaam van Christus kan doen.Kuier gerus op ons webblad rond, maar dit sal vir ons heerlik wees om jou persoonlik hier te kan ontvang.  Kom stop gerus hier by ons as jy in die omgewing is.U kan gerus na die skakels onder nuusbriewe hiernaas gaan. Ons het die week se afkondigings en die ligtoring daar geplaas sodat u dit rustig kan besigtig. Die dokumente is in pdf formaat en kan deur u gedruk word sou u n afskrif verlang. U het adobe reader nodig om die dokumente te kan besigtig. Indien u dit nie reeds op u rekenaar het nie het nie kan u dit gratis  hier aflaai.

Besoek ons facebook groep. Klik op die Ikon hier onder 

Kontak Ons

Predikant
Dominee Wehan Geldenhuys:
Tel 044 698 11774
Sel 072 326 0901
Koster
Mnr Danie van den Heever:
Tel 044 698 1422
Sel 072 448 1626
Saakgelastigde
Mev Ida Maree:
Tel 044 698 1977
Faks 044 698 1977
Epos: ngkerkdanabaai@telkomsa.net

Leraar
Wehan Geldenhuys

Predikant

Saakgelastigde
Ida Marais

Saakgelastigde

Gebed in hierdie tyd

GEBED IN “HIERDIE” TYD *1Tim.2: 1-2 – “Ek dring daarop aan dat daar in die eerste plek net smeking, voorbidding en danksegging gebid moet word vir alle mense, vir dié wat regeer en vir almal wat gesag uitoefen, sodat ons ‘n rustige en stil lewe kan lei.” Bid vir President Cyril Ramaphosa en die regering; nooddienste, weermag en polisie, ons Mosselbaaise gesagstrukture. * Gehoorsaamheid – dat elkeen sy kant sal bring: “As gevolg van die inkubasietydperk weet niemand verseker of jy ‘n draer  en daarom verspreider van die virus is nie . Leef asof JY en almal die virus het! Werk met die benadering van ‘ek wil niemand aansteek nie’ eerder as wat ons beleef dat mense isoleer om nie aangesteek te word nie.” (Diensspan van Communitas vir Gemeentes, Sinode) *Eensgesindheid – Rom. 15:5-6 – “En mag God, die bron van alle standvastigheid en bemoediging, gee dat julle eensgesind onder mekaar sal wees soos Christus Jesus dit wil hê. Dan kan julle almal eensgesind uit een mond lof toebring aan God, die Vader van ons Here Jesus Christus.” *Dra mekaar se laste – Gal. 6:2 –“ Dra mekaar se laste, en gee op dié manier uitvoering aan die wet van Christus” “Ons kan weer begin moeite doen om  mekaar te ondersteun en te versorg, al is dit net met ‘n telefoonoproep of stemboodskap. Ons kan daarop let hoe ons mekaar kan beskerm, maar tog ook vir mekaar kan help.” (Ds. Wehan.) *Bid vir navorsers wat besig is om entstof teen die virus te ontwikkel – bid vir vinnige resultate en die beskerming van almal betrokke. *Ekonomie: Bid vir besighede en werkers wat finansieel probleme het en gaan ervaar. *Prys die Here: Ps 24:1 – Die aarde en alles wat daarop is, die wêreld en dié wat daar woon, alles behoort aan die Here, want hy het die fondamente daarvan in die see gelê en dit stewig gevestig in die waters.

Eredienstye

Erediens
09:00
Voorsang
08:45
Junior en Senior Kategese
10:00